Scheda n. 7913

Rec.vo
Sfogandose no juorno
Co’ n’arcecalascione,
Ambruso lo chiaieve
Accorduto ch’avette lo cordone
Cossì strellando a gualeià se mese
Aria
Schiaresce l’arba ‘nsino dello maro
E l’accqua ch’è salata scumma argiento.
Se ncrespa l’onda e s’auza lo viento
Che porta a galla a nuie no calamaro
Lo calamaro e aniello:
Chi vo’ lo purpo addoruso e moscariello
(Si sona la Romanella)
All’aria de lo maro e a la marina
Me chiamma l’aucelluzzo nnammorato
Che ncoppa canta a la rosamarina
Porta lo core mmocca ch’è cecato
Aie ch’è cecato e bella
Aje, marenaro
Mio Foretanella.
Rec.vo
E scomputo ch’avette chisto Lotano
A chella sgrata soia che le stea accanto
Reprecaie chisto canto
Arietta
Mannaggia Amore
E chi lo secota
Cance persecota
E fa arraggià
Pe’ chesto sbaria,
Vace pe’ l’aria
St’affritto core
Senza pietà.