Lo Paglietta Cantata à voce sola del Sig.r D.r Michel Angelo Faggioli

Sto paglietta presentuso
Va deritto comm’a fuso
Né vo’ iusto cammenà.
Parla e fa lo gnemme gnemme
Cierto è peo de salemme
A do’ arriva vo’ gabbà.

Rec.°
È no crocco de chianca
No piezzo de regnone
Fuceto da lo cuollo allo tallone
Hà na cera da mpiso
Ogn’uno lo iastemma fuss’acciso.
Strilla lo fruttaiuolo
Arrasso vavattenne truffaiuolo.
Dice lo tarallaro
Non t’accostà te sciacco.
Mo’ vene para sacco
Dice lo merciaiuolo.
E nzomma a do’ compare
Siente dì serra serra
E se isso non fuie
Chi le stira la pella
Chi l’ammacca lo musso e chi la zella.

(si canta sempre ridendo)
Paglietta zì zì
Avite ngnor sì
La lopa sciù sciù
Che pate bù bù
Li tirre petirre
E nanianà ah.
Vorrisse tu affè
Compare né né
De raffe mo’ mo’
E fare pò pò
Lo piscia portelle
Lo viene cha llà.