Record num. 10905

[Basso]
Tu che mmalora dice.
[Soprano]
Gniore, tu co’ chi l’aje.
[Basso]
Va’, sierve prima a me.
[Soprano]
Aggio da studeà
E po’ te servo a te.
[Basso]
Tu non la boje sentì,
Tu m’aje da fa schiattà.
[Soprano]
Aggio da solfeà:
Do, re, mi, fa, sol, la.
[Basso]
Vi’ che pacenza,
Vi’ ch’ance vo’
Co’ sta fegliò,
Mme fa schiattà:
Cecca, non siente.
[Soprano]
Gniore, aggio da solfeà.
[Basso]
Che d’è, non vi’ ca stuone?
[Soprano]
Lascia stuonà.
[Basso]
Non buoje sentì,
Mme fa’ crepà.
Non buoje sentì,
Mme fa’ schiattà.
Puozz’esser accissa,
Faccia de schessa.
[Soprano]
Doppo che chessa,
Che m’aje da di’?
[Basso]
La speretata
Vi’ quanto sa.
[Soprano]
Doppo ’mparata
Che m’aje da fa’?
[Basso]
’Na mazzeata,
’Na desossata
Bona e solenne
Te boglio da’.
[Soprano]
Io ’na cantata
Colli bemolli
Tutta trillata
Te boglio fa’.