Scheda n. 7903

Non chiù Ciccillo mio
No chiù potta de craie.
Che male aggio fatt’io
Tu che Diavolo aie. <i>Fallo p carità Volti presto</i>

Pe na cosa de niente
Cossì a Cecella toia muste li diente

Aria
Tantillo de spasso
Non saie ca ge vo’. <i>Non si scordi di Voltare</i>
Ca rido no poco
Qua stipo te scasso
Qua figlio t’affoco
Che mpaccio te do.

Rec.
Conca abburla co Mico
Abburla co creanza, e co rispetto.
S’io rido è defietto <i>Abbi pazienza Volta</i>
Tu subbeto te cride
Ch’ommo sauta, e tozza
Ch’ogn’ommo arriva; e mpizza
Comme fosse de chelle
Che stanno pe na tosca alle gradelle.

Aria
Va te stipa si’ Cafeo
Va studea lo calateo
Va te mezza de parlà.
Haverai na testa ntesta
S’auze l’uocchie a sa fenesta
Se ncè passà chiù da cca. <i>Favorisca di Voltare</i>

Re:
Chisse so’ li sospire
Chisso è lo nante core
Che pe me t’afferrava a tutte l’ore.
Da po che t’aggio dato
Quanta guste aie voluto
Io so’ vota bannera
E tu non ce compare chiù ngalera
Mare nuie sfortunate
Tutte fanno accossì l’innamorate.

Ogn’uno spanteca d’amore
Spireta deventa ietteco
More de subbeto.
E quanno de na femena
N’hanno fatto streverio
N’hanno cacciato lo cuoiero
So’ passate li spirete
So’ scompute le lagreme <i>Che ce vuoi fare ritorna à Votà</i>
lo fuoco, è fatto cennera
Tanno ogn’uno te trova
Li pile dinto all’ova
Ogne scotella è crivo
Ogne capillo, è travo
E la fine qual è Cecella schiava.

Aria bellissima
Negra me, ce so’ ncappata
Provà sta mala sciorta
Meglio, e mai nce fosse nata
O nascendo fosse morta

Aria
Faccio vuto io porzì
Comme faie vuto tu <i>Andiamo in Voltamento</i>
De non volere bene
A nullo chiù.

Huommene scoppettate
Malannaggio chill’uno ch’è nnammorato
E che dinto, e che fora
Tutte comm’a Zingare facite
lo cangaro ve venga a quanta site.