Terzetto Del Sig.r Leonardo Leo

[Cicella]
Fa l’alluorgio cammenare
Chi le dà la corda attiempo
Ca mesura po lo tiempo
Mastra ll’ora, e co’ ntinare
Nce lo dice nti, nti, nti.
[Pennacchio]
La campana fà sonare
Chi la tira e la martella
Tanno fà na romanella
Che te siente addrecreiare
Ntirentò, ntintò, ntinterentò.
[Crespano]
Lo tamburro fà ntronare.

[Pennacchio]
Paiesà non haie creanza
Che buò metterte mmiezo?
[Crespano]
Uscia me scusa,
Cuie lloco ne sfogate li malanna
Ed io li miei ccà sulo che ne mporta?
[Cicella]
Sfogate ch’aie raggione
[Crespano]
Oh chesta è bella
Quanto te chianchiarraggio ò ziarella.

[Crespano]
Lo tamburro fà ntronare
Chi le stira la cordella
Ca na voce assai cchiù bella
Quanno vatte fa cacciare
Tiritappa tappa ttà.
[Cicella]
Fà l’alluorgio cammenare
[Pennacchio]
La campana fà sonare
[Crespano]
Lo tamburo fà [ntronare
[Cicella]
Chi le da la corda attiempo
[Pennacchio]
Chi la tira e la martella
[Crespano]
Chi le stira la cordella
[Cicella/Pennacchio/Crespano]
Nti nti nti nti nti nti nti / Ntirentò ntò ntò ntò ntò / Tiritappa tappa tappa.
[Cicella]
Accossime face ascia
Che me stizze e faie strellare
Ma poi ride e faie ah à.
[Pennacchio]
Accossi bellezza mia
Me faie spisso ntassecare
Ma poi rido e faccio oh ò.
[Crespano]
Lo malanno che ve dia
Me volite coffiare
Ed io piglio a chiastemmà.